Ralhrang In Nauhak Kum 4 Mi An Kap That, A Ruak Vuinak Ah A Nulepa An Tel Thei Lo. A Pa Cu Malaysia Ah Hnaṭuan In A Um

August 28, 2022 sun ah ralhrang le AA pawl an kap aw ciamcio. Rakhine State, Mrauk-U peng, Lakka khua kiangkap ah nasa zetin an kap aw. An kahawk hnuah ralhrang pawlin Lakka khua cu bomb in an kap ciamco ih khuasung mi 4 an thi ih mi 7 in hliamhma nazet an tuar.

Mithi lakah nauhak kum 4 mi Maung Myat Thu Lin khal a tel. Hringtu a nu khal hliamhma nasa zet a tuar ih siizung ah an tuamhlawm rero lai.

Mithi ruak pawl cu tuisun August 29 ah an phum, mithi phumnak ah Maung Myat Thu Lin ih nulepa cu an tel thei lo. A nu cu siizung ah aum lai ih a pa cu Malaysia ram ah hnaṭuan in aum.

Hringtu a pa in, “Ka fapa, ziangtin ka hnem aw ding. Zoso ka mawhthluk ding? Ka fapa na um nawn lo cu zianghman ka ruat thei nawn lo, ka lo Shinbyu (ရှင်ပြု) ding si. Tu’ah zoso ka Shinbyu ding” tin a Facebook cahmai ah a tarlang. Shinbyu (ရှင်ပြု) cu Kawl sakhuanak ah an fapa pawl cawimawinak ciikhat a si.

Be the first to comment

Leave a Reply

Your email address will not be published.


*