Ralhrang In PDF (2) Kai Dingin An Kulh Ih An Kahnak Ah Anmah Le Mah An Kapaw Ngah, Ralbawi A Thi

Mandalay, Kyaukpadaung ah PDF (2) cu ralhrang pawlin kai dingin an dum. May 26 ah PDF 2 cu bike thawn an phuraw ih ralhrang pawlin an dum, motor 3 in an dum ih an dunglam le hmailam ihsin an kulh.

Dunglam le hmailam ihsin ralhrang pawlin an kap ciamco ih anmah le mah an kapaw ngah. Ralbawi pakhat a thi ih ralhrang 6 in hliamhma an tuar, PDF pakhat khal an kap ngah nan a thi lo. PDF (2) cu an tlansuak thei. Lieutenant Colonel Aung Myo cu an kap that ih May 27 simlam nazi 3:00 ah an vuiliam.

An vuinak caanserh ah a hmin lawng an ngan, ralkap a sinak le ralbawi a sinak pawl cu an ngantel lo. Mithi vuinak ih tel pakhat in, “Ralbawi Aung Myo ih vuinak caanserh a si. Ziangruangah a ralkap sinak le ralbawi sinak pawl an ngan tello cu ka thei lo” a ti.

Be the first to comment

Leave a Reply

Your email address will not be published.


*