Ralhrang In PDF An Kaih Thu An Tarlang

Ralhrang pawlin CDF le PDF an kaih thu ralhrang thuthang phuannak Fifty Two News sungah an tarlang.

June 16, 2022 zinglam nazi 7:00 hrawngah Magway, Gangaw, ahmat (1) vengsung check-gate ah zingzoinak an tuah ih PDF pakhat an kai.

Kum 19 mi Ma Ei Thet Mon cu thusutnak an nei ih Sai Du khua ihsin Gangaw lam ih feh tum a si. Ralhrang pawlin thusutnak an nei ih an zohdik hnuah PDF tin an kai. June 17 zinglam nazi 10:30 hrawng khalah Magway, Thayat Taw ih check-gate ah ralhrang pawlin motor vak sukso pawl cu zohdiknak an rak nei.

Motor pakhat an zohdiknak ah Matupi peng, Hmuntung khuami Ram Aung cu CDF tin an kai. Ram Aung cu CDF sakhan kiltu le rawlsuangtu a si tin ralhrang pawlin an phuang.

Be the first to comment

Leave a Reply

Your email address will not be published.


*