Ralhrang In PDF Sakhan An Sim Ih PDF 2 An That Hnuah 10 An Kai

Sagaing, San Tin Kin khua kiangih um tualsung mipi humhimtu PDF sakhan cu ralhrang pawlin an va sim ih PDF 2 an kap that hnuah mi 10 an kai. February 20, 2022 zinglam nazi 7:00 hrawngah ralhrang pawlin an rinlo laitak ah an va lutchilh.

Tualsung mi pakhat in, “Zinglam ah ralhrang pawlin PDF sakhan cu an va nuai, zinglam ah an va nuaisal ih PDF sakhan cu an urkang” a ti. Himi sakhan umnak hmun cu haihmuan sungah a si, ziangtin ralhrang pawlin an sakhan umnak an theithei ti cu theih a si hrih lo. Himi hlanah ralhrang pawlin cet zam thei Drone hmangin PDF sakhan umnak an hawl rero.

PDF ṭuanvo neitu in, “Kan neh zo tin nan thisen dai hram hlah uh, nan thisen a dai asilen hitin kaih tong le miralṭha thi an tam vivo ding. Zangfahten nan thisen dai hram hlah uh, nan theitawk in in bawm hram uh. Hmailam caan ah doawknak a nasa sinsin ding, doawknak aum hlan ah in bawm uhla, doawknak aum tikah meithal le ralthuam kan nei ding” a ti.

Ralhrang pawlin PDF 2 an that hnuah mipa (3) le nunau (7) cu an kai. Tuahcop meithal sau 43, meithal tawi (12) le cerek mu pawl an lak thu ralhrang pawlin an tarlang.

Be the first to comment

Leave a Reply

Your email address will not be published.


*