Ralhrang In PDF Sakhan An Sim Ih PDF 2 An Thi

Sagaing Division, Wontho Township, Tat Lwin Taung le Nam Kham khua karlak ih um tualsung mipi kilhimtu Wuntho-PDF sakhan cu ralhrang pawlin an va sim ih kaphnih kahawknak a thleng.

December 5, 2021 zinglam nazi 10:0 hrawngah ralhrang tam zetin PDF sakhan cu an kap va ciamco. Wuntho-PDF pawl cu sakhan suahsan phah ih ralhrang pawl cu an kap, cutawk ah mipi kilhimtu pahnih cu ralhrang pawlin an kap that.

Ṭuanvo neitu in, “Dalan ruangah ralhrang pawlin in ra kap, kan kahawknak ah mi pahnih an thi. Battalion 120th ralhrang pawl an si, kan doawk laiah ralhrang pawl ra bawm dingin Wontho lam ihsin ralkap motor 3 an ra poksuak bet” a ti.

December 5 khalah mipi kilhimtu 3 cu Depayin ramsung ah bomb an kam laiah a puaksual ih an nunnak a liam. Tulai hi Myanmar ramsung hmun dangdang ah ralhrang le mipi kilhimtu pawl nasa zetin an kapaw ciamco laitak a si. Sagaing ramsung ahcun nitinten kahawknak a thleng.

Be the first to comment

Leave a Reply

Your email address will not be published.


*