Ralhrang In Pitar Kum 62 Mi Pawngsualtu Ralkap Cu Kum 20 Sung Thawngtla Dingin Hremnak An Pek Thu An Phuang

Shan State, Kutkai Township, Fakhat khua ih um pitar kum 62 mi, Kachin miphun cu ralkap pakhat cu November 7, 2021 ah a pawngsual.

Pitar cu an hmuan sungah a um ih a hmuan kiangah ralhrang pathum in tidai an va khai, cutawk ah ralkap Min Min Soe (336th Brigade) cu hmuan sungah a va lut ih kut a thlak ciamco hnuah a sualpi. Cumi hnuah ralhrang pawlin zingzoinak an tuah ih thudik a si thu an phuangaw.

December 10 sun ah pitar kum 62 mi pawngsualtu ralkap cu kum 20 sung thawngtla dingin a thu an ṭhencat thu ralhrang pawlin an phuang. Cun, himi khua ih ralhrang pawl hotu khal hremnak an pe ve thu an phuang nan ziangvek hremnak an pe ti cu an tarlang lo.

November 11, 2021 khalah ralhrang pawlin Chin ram, Tedim ramsung ah nau nei pekte nunau kum 30 mi cu an pawngsual ciamco, himi zan thotho ah an khuasung ih naupai lai pakhat khal ralhrang pawlin an sualpi. Himi Chin ramsung ih thilthleng cu ralhrang pawlin zingzoinak an nei rero lai thu an phuang nan thudik a si tin phuangawknak zianghman an nei hrih lo.

Be the first to comment

Leave a Reply

Your email address will not be published.


*