Ralhrang In Ralkap Ṭuan Zo Pawl Hnenah “PDF Thuhla In Sim Asilen Leiram Kan Lo Pe Ding” An Ti

Kachin State, Bhamo ramsung ah tualsung mipi kilhimtu PDF le ralhrang pawl an doaw rero lai, khuasung khalah bomb a puak ṭheu. Ralbawi in khuasung ih ralkap ṭuan zo, pension pawl cu an phone-kual vivo ih, “PDF thawn pehtlaihaw mi, PDF thuhla in sim asilen leiram kan lo pe ding” an ti.

Hmin tarlang remlo tualsung mi pakhat in, “Phone thawn an be vivo, PDF thawn pehtlaihaw tu thuhla, ralkap pawl dotu thuhla in sim thei asilen leiram kan lo pe ding an ti” tin media hnenah a sim thei.

Bhamo ramsung ah ralhrang lamtang an cak deuhdeuh ih kaih tong khal an tam zet, zarhkhat sungah mi 9 lenglo cu an kai ringring thlang. Ralkap le ralkap lamtang pawl cu khuasung hmun dangdang ah mipangai vekin an tlangleng, uniform an hruh lo ih PDF pawl thuhla cu an zingzoi vivo.

Tualsung mi in, “Tulai hi PDF thuhla zingzoitu an tam tuk, ṭhenkhat cu kutdawt vekin an tlangleng, uniform an hruh lo ih a phunphun in PDF thuhla an zingzoi ruangah si ding an kaih ngahmi khal an tam tuk” a ti.

Be the first to comment

Leave a Reply

Your email address will not be published.


*