Ralhrang In Remdaihnak Meeting Ah NCA Hminkhentu Hriamkai (9) An Tel Men Thei Tin Thu An Phuang

Ralhrang in ramsung remdaihnak hrangah meeting neih an tum ih tlangpar hriamkai pawl an sawm. Cutawk ah NCA hminkhentu pawlkom (9) cu meeting an ra kai men thei tin ralhrang aiawh ih thuphuangtu Zaw Min Tun in April 27 sun ah a phuang.

NCA hminkhentu ah hriamkai pawlkom (10) an um ih zo pawlin meeting an kai men thei ti cu a phuang lo. NCA ih hminkhen lo hriamkai pawlkom (11) lak ihsin pawlkom (8) khal ralhrang pawlin an bia ih meeting an kai ve men thei’ a ti.

Ralhrang pawlin hitin thu an phuang nan tlangpar hriamkai pawlin nenhngetnak thu an suah hrih lo. NCA hminkhentu Karen ralkap KNU palai Pado Saw Taw Ni in, “Remdaihnak cu kaa ih rel a theih lo, remdaihnak um thei ding cun tuahnak in in hmuh hmaisat a ṭul.

Remdaihnak um thei dingin lamzin in hmuh hmaisa lo ahcun zovek khal ra sehla kan cohlang lo ding” a ti. NCA hminkhen hrih lo UWSA၊ KIO၊ SSPP၊ TNLA၊ MNDAA၊ NDAA le AA khal ralhrang meeting an kai le kai lo ding theih a si hrih lo.

Ralhrang pawlin an meeting sawmnak cu April 9 ni khi nineta bik siin theihnak pesal dingin an ngankhum. Rampum huap NCA hmin rak khentu pawl cu Shan ralkap RCSS/SSA, Karen ralkap KNU, KNU/KNLA-PC, DKBA, PNLO, CNF, ABSDF, ALP, NMSP le LDU pawl an si.

Be the first to comment

Leave a Reply

Your email address will not be published.


*