Ralhrang In ‘Russia Tlung Ralbawi Nan Suah Lo Asilen Kiangkap Khua (2) Hi Kan Nuai Cimit Ding’ Tin An Hringhro

Mon State, Thaton, KNU tatmaha (1) ramsung ah KNLA in Russia ihsin ra tlung ralbawi le a kuthnuai ralhrang pawl hotu pakhat an kai.

June 1, 2022 ah Russia ihsin tlung ralbawi Kyaw Zin Latt le Sergeant Naing Oo cu Htone Bo Gyi khua ah zingzoinak an tuah rero laiah tualsung mipi ralkap pawlin an kai. Kum 28 mi Kyaw Zin Latt cu Military University ihsin raldo dan zirsuak a si ih Russia ram ah training kai ṭheh a si.

A thaizing June 2 ah ralhrang le KNLA pawl an kapaw ih ralhrang 6 an thi, 5 in hliamhma an tuar. Ralhrang pawl cu an thinheng tuk ih Htone Bo Lay le Htone Bo Gyi khua pahnih cu pukpi in an kap ciamco. Vei 50 hrawng an kap ih kum 70 mi in hliam a tuar, inn (2) a siat.

Khuasung mipi pawl cu sahimnak hawlin an tlan thluh. Ralhrang pawlin ‘Russia ihsin ra tlung ralbawi Kyaw Zin Latt le Sergeant Naing Oo hi nan suah lo asilen himi kiangkap ih um khua pahnih cu kan nuaisiat thluh ding” tin khua upa pawl hnenah an hringhro thu KNU in a phuang.

Be the first to comment

Leave a Reply

Your email address will not be published.


*