Ralhrang In Tamu Ah Inn 13 An Kharsak

Sagaing, Tamu khua sungih inn 13 cu ralhrang pawlin an kharsak ih an inn hmaiah capi an tar, “Hriamkai pawl thawn an pehtlaih awk ruangah himi inn le leiram cu cozah ta tin kan lonsak. Zohman lut/suak siang a si lo, zuar le lei khal siang a si lo” tin an tarlang.

Inn neitu 3 cu NLD palai an si ih midang cu ramkhelnak ih tel pawl an si. NLD palai 3 cu Naing Naing Win, Thang Say le Myint Naing Oo pawl an si. Inn an kharsak mi pakhat in, “Dothlennak ih kan tel veten kan thil ziangkim hi kan tlansan thluh zo. Thil ziangkim hi dothlennak hrangah a si, himi inn pawl ah minung an umlonak a rei zo” a ti.

Inn an kharsak mi ramkhel į¹­henkhat cu U Ye Moe Myint, U Yin Ko Oo, Ma Eithon, U Aung Phyo Kywe, Kabaw Su Than, U Min Bo le U Maung Maung Latt pawl an si. “Ralhrang in kan inn pawl in kharsak thluh, inndang an khar mi pawl ih thuhla cipciar khal kan zingzoi rero lai” tin media hnenah an sim thei.

Be the first to comment

Leave a Reply

Your email address will not be published.


*