Ralhrang In Taungphila Biakinn Hmunram Sungih Um Inndot An Kap, Sumpai Ting 30 Lenglo An Laksak

Ralhrang pawlin Kalaymyo, Taungphila Baptist hmunram sungih um inndot pathum cu April 10 zing nazi 9:00 hrawngah meithal, ralthuam picang in an kap. Biakinn thar sak rero lai an si, himi inndot sungah biakinn saktu le pastor tei innsang an riak.

Ralhrang pawlin biakinn saktu pawl cu PDF ah an ruat ih inndot pathum cu an kap siat, minung hliamtuar an um lo. Pastor tei sumpai ting 20 luan le midang sumpai an kolmi ting 10 cu ralhrang pawlin an laksak.

Cun, nazi ṭha pawl pakhat, Power Bank (2), Sunglass ṭha pawl pakhat, Bluetooth Earphones pakhat an laksak.

Ralhrang pawlin ‘Taungphila Baptist biakinn inndot pathumnak ah PDF/CNDF mi 5 hrawng an um ih kan kapaw, inndot cu kan thianfai ih inndot sungah tuahcop bomb (5) kan hmu” tin diklo zetin thuthang an phuang.

Be the first to comment

Leave a Reply

Your email address will not be published.


*