Ralhrang In Theinni-PDF Sakhan An Sim Ih An Urkang, PDF 2 An Kai

Shan State, Hsenwi Township sungih um Theinni-PDF sakhan cu December 2, 2021 zingpit ah ralhrang pawlin an va sim ih an urkang. Himi sakhan cu PDF pawl training kainak hmun a si.

PDF ṭuanvo neitu in, “Theinni-PDF umhmun khuarnak sakhan cu ralhrang pawlin an urkang. Mizan ah ralthuam kimcang thawn an ra lut ih, bomb le pukpi in an kap hmaisa. Sakhan hi an siatsuah thluh” a ti.

PDF pahnih an kai ih khuitawk hmun ah an hruai ti khal an thei hrih lo. Theinni-PDF le Guerrilla Force pawlin ralhrang pawl cu an kap ciamco sal ih ralhrang 3 an thi, mipi kilhimtu lamah 7 in hliam an tuar.

Ralhrang pawl cu an tam tuk ih an ralthuam thazang khal a thlau’awk ruangah tualsung mipi kilhimtu pawl cu an kirsal.

Be the first to comment

Leave a Reply

Your email address will not be published.


*