Ralhrang In US Embassy Mi 2 An Hrem Tum

Ralhrang pawlin US Embassy mi 2 cu Covid-19 daan le dun nan pahbal tin hremnak an pe tum. US Embassy ihsin Diplomatic Visa kenglai pakhat le an hnaṭuantu pakhat cu ralhrang pawlin hremnak pe dingin an tawlrel rero lai.

January 2, 2022 ah US Diplomatic Passport neitu pakhat cu Myanmar ramsung ah ava lut ih ni 4 hnuah an zohdik ih Covid-19 anei ti an hmusuak.

January 3 ah US Embassy staff pakhat ava thlengsal ih ni 6 hnuah Covid-19 nathrik anei ti an hmuhsuah thu ralhrang pawlin an phuang.

Himi US Embassy mi 2 cu ramsung harhdamnak zung in Quarantine-nak hmunpi ah um dingin a fial. Asinan, ramsung ih um US Embassy ṭuanvo neitu pawlin anmahten an kilkhawi aw ding tin an va kosuak ruangah ralhrang pawl cu an lungawi lo tuk ih hremnak pe dingin an tawlrel rero lai.

Be the first to comment

Leave a Reply

Your email address will not be published.


*