Ralhrang In Yangon Check Gate Kaptu Tin Tlangval Pakhat An Kap That Ih A Rualpi Pawl An Kai

November 15, 2021 zinglam nazi 11:00 hrawngah mipi kilhimtu pawlin Yangon ih ralhrang check-gate pawl an kap ih ralhrang thi le hliamtuar an tam zet.

Ralhrang pawlin zingzoinak an nei hngal, lamzin ih tlan motor pakhat cu PDF ih an rinhlel ruangah an kap ciamco. Motor sungih um tlangval kum 25 mi Ko Zin Ko Htet cu an kap that ih a rualpi pathum khal an kai.

Anmah hi PDF an si lo ih an khua ah an va tlawng duak tin an rualpa pakhat in media hnenah a sim thei, meithal khal an kai dah hrih lo a ti.

Myanmar ramsung a buai pekte ahcun lamzawhnak ah an rak tel lawk, asinan ralkap in lamzawhtu pawl an kap that ciamco hnu ihsin ramkhelnak ah an tel nawn lo. Ko Zin Ko Htet ih ruak khal an la thei hrih lo ih a innsang pawlin an buaipi rero lai.

Be the first to comment

Leave a Reply

Your email address will not be published.


*