Ralhrang In Yangon Lamzawhtu Pawl An Pah Hnuah Thuthang Latu 2 An Kai Ih An Thuhla Theih A Si Nawn Lo

December 5, 2021 zinglam ah Yangon, Kyimyindaing ramsung ah mino pawlin lamzawhnak an nei, cutin an lamzawh lai cu ralhrang pawlin motor in an va pah rumro.

Lamzawhnak ih tel mino pakhat in, “Minung 5 cu an pah that, motor in an pah hnuah minung 15 aitam an kai ih hliamtuar 12 hrawng an um” a ti.

Himi lamzawhnak ih thuthang rak latu mino pahnih Ko Kaung Set Lin le Ma Yadanar khal hliamhma an tuar, ralkap pawlin an kai ih an innsang pawlin an thuhla an thei nawn lo.

Khuitawk hmun ah an hruai ti khal an thei lo. Myanmar Pressphoto Agency ihsin thuthang latu an si ih hliamhma tuar in ralhrang pawlin an kaih ruangah an innsang pawl cu an thinhar tuk.

Be the first to comment

Leave a Reply

Your email address will not be published.


*