Ralhrang Kuthnuai Ih Cangvaitu BGF Ralbawi In, “Ram Le Miphun Nan Duhdawt Asilen Doawknak Hi Tuah Hlah Uh” A Ti >>

Kayin / Shane State ah tualsung mipi kilhimtu KNU/KNLA, PDF le ralhrang pawl nasa zetin an doaw rero lai ruangah khuasung mipi pawl cu sahimnak hawlin Thailand ramsung ah an tlanlut ciamco.

An doawknak ah mithi le hliamtuar khal an tam zet zo, BGF hriamkai pawl cu ralhrang kuthnuai ih cangvai an si ih ramri kil in an um. Ralhrang pawl thawn ral an dotlanng ṭheu.

BGF Battalion 4th Brigade Commander Maj. Saw Motthun in December 19, 2021 sun ah, “Ram le miphun kan duhdawt asilen zohman in ralthoter lo hi a ṭhabik. Doawknak a thleng ahcun thihnak aum dingih a ṭha lo zet.

Ka hmuhdan ahcun midang neh tumtu pawlin ral an thoter. Minung pakhat si hi thil awl a si lo, khatlam an thi asilen an nulepa le an miphun pawl an riahsia ding. Kannih lam an thi asilen kan riah a sia ding, doawknak in thilṭha a suahpi dah lo ih buai deuhdeuhnak sawn a si. Pakhat le pakhat thubuai reltlang in lungrual zetin um thei hi ka duhmi a si” a ti.

Be the first to comment

Leave a Reply

Your email address will not be published.


*