Ralhrang Kuthnuai Ih Khua Lal In A Nupi Ih Hna A Sat Tla

Ayeyarwady, Kywe Talin khua lal U Win Nyo in a nupi ih hna pakhat a sahtlak sak. U Win Nyo cu ralhrang pawlin khua lal an ṭuanter mi a si.

April 8 simlam nazi 5:00 hrawngah a nupi thawn ṭongkam an el’aw ciamco ih a thinheng supaw thei nawn loin nam in a sat. A hngawng ah a sat tum ih a hna pakhat a sahtlak sak.

Khuami pakhat in, “Simlam nazi 5:00 hrawng ih thilthleng a si. An nupa karlakah buainak an nei ih ṭongkam an el’aw ciamco, a nupi ih lu khalah nam ih sahnak hliamhma aum. A hngawng khalah hliamhma a tuar, a hna pakhat cu a sat tla. A nupi ih nunnak hrang seherh aum zet, siizung ah an tuamhlawm rero lai” a ti.

A zan ah ralkap le palik pawl an va thleng ih thusutnak an nei nan khua lal cu an kai lo, ralhrang pawlin an thubuai cu thuhsak an tum. U Win Nyo ih nupi cu Wat Chaung siizung ah an tuamhlawm rero lai.

Be the first to comment

Leave a Reply

Your email address will not be published.


*