Ralhrang Lamtang A Nu An Kap That Ruangah NLD Sungtel (2) A Kap That

Launglon Township, Pandale khua ih um ralhrang lamtang Daw Tan Tan Htet cu April 29 sun ah zo ti theih lo pawlin an kap that. Daw Tan Tan Htet ih upa cu Pyu Saw Htee hruaitu U Zaw a si.

Daw Tan Tan Htet an kap that ruangah a fapa Maung Niang Lin Aung in ralhrang lamtang pawl a hruai ih an khuasung inn pakhat hnu pakhat ah an lut vivo. Zan nazi 9:00 hrawngah an khuami NLD sungtel pacang pahnih cu an inn ah an va kap that.

An dungthluntu pacang pakhat khal a hngawng ah a kap ih siizung ah an tuamhlawm rero. Ralhrang pawlin mithi ruak cu an va la ih Dawei siizung ah an phur, an innsang pawlin an tlun ih mithi ruak cu Dawei ah an vuiliam hngal ding.

Tualsung mipi ralkap Dawei Defense Team (DDT) in, “Daw Tan Tan Htet tei nufa hi meithal an keng veve, khuasung ah meithal an kap ṭheu. Mipi pawl an hringhro ih diklo zetin sumpai an khong ṭheu” an ti. March 28 ihsin April 28 thlakhat sungah an khua ah ralhrang lamtang Pyu Saw Htee mi pathum an kap that zo.

Be the first to comment

Leave a Reply

Your email address will not be published.


*