Ralhrang Lamtang Khua Lal Ih Lu An Sat Tan Ih Nga Rawl Ah An Pe

Mandalay peng, Kulargyi khua lal U Aye Ko cu April 28 ah tualsung mipi ralkap pawlin an kap that hnuah a lu an sat tan, a lu cu nga vulhnak ah an hlon ih nga in an rak ei.

Khuami pakhat in, “Mizan ah an that, an that hnuah a lu cu nga rawl ah an pe. Ralkap lamtang a si ih amah ruangah ralhrang pawlin khuasung mi an kai ṭheu, dalan picang a si” a ti.

U Aye Ko cu ralhrang pawlin khua lal an ṭuanter mi a si, khuasung mipi thuhla cu ralhrang hnen ih arak sim ṭheu ruangah an thianfai thu Zamani pawlkom in an tarlang.

Ṭuanvo neitu in, “Amah ruangah ralhrang pawlin khuasung mipi pawl an hrem, an vuakvel ṭheu. A lu cu nga rawl ah kan pe, a dungthluntu uico pakhat khal hliamhma tuar in siizung ah an phur” a ti. U Aye Ko dungthluntu Ko Swe Hlaing khal meithal in veihnih an kap ngah ih hliamhma thawn siizung ah an phurlut.