Ralhrang Le China Tangtlang In Covid-19 Khamnak Siivai An Sersuak

Ralhrang le China cozah pawl tangtlang in Myanmar ramsung ah Covid-19 khamnak siivai an sersuak thu March 23 ah China thuthang sungah an tarlang.

China siivai sersuahnak Sinopharm le Myanmar Ministry of Industry pawlin Covid-19 khamnak siivai cu an sersuak cu a hmin ah ‘Myancopharm’ tin an ko. March 23 sun ah Covid-19 khamnak siivai an sersuak tlang thei ruangah hlunghlai zetin onnak buai an tuah ih Myanmar ralbawi pawl khal an telve.

Tuiṭum ih an sersuak mi Covid-19 khamnak siivai cu Southeast Asia ramsung ah a hmaisabik a si. Mr Chen Hai in, “Myanmar ramsung ah Covid-19 khamnak siivai kan sersuak thei cu a lungawi um tuk. Kan ram pahnih hrangah thilṭha zet a si ding” a ti.

Myanmar ramsung ih Covid-19 nathrik donak ah China cozah in Myanmar hnenah 10.5 million yuan man thilri bungrua pawl a pe, hmailam caan khalah ke an kartlang vivo tum.

Be the first to comment

Leave a Reply

Your email address will not be published.


*