Ralhrang Pawl An Itthat Laitak Ah An Va Kap Ciamco, Ralhrang Pawl Cu “Ka Nu, Ka Pa In Bawm Uh” Tin An Au Ciamco

Sagaing, Kanni Township, Chindwin tiva kap ih umhmun khuar ralhrang pawl cu tualsung mipi kilhimtu in an va sim ih an kap ciamco.

December 12, 2021 sun ah Chindwin tiva kiangkap ah an kapaw ih ralhrang lawngpi a siat, cutin ralhrang pawl cu Chindwin tiva kap ah an cam. December 13 zinglam ah tualsung mipi kilhimtu DRPA (Dictatorship Revolution People’s Army), Sagaing Triangle Golden Triangle, M&K The boy le tualsung PDF pawl an komaw khawm ih ralhrang pawl cu an va kap ciamco.

DRPA ṭuanvo neitu in, “Zinglam nazi 2:00 hrawng a si ih ralhrang pawl cu an itthat lai, bomb in kan kap hmaisa ih an umhmun khuarnak takah ava tla puak dumdo. Bomb puak lakah ralhrang pawl cu ‘Ka nu, ka pa in bawm uh’ tin an au ciamco. Kan kap ciamco hngal ih neta cun ka kap thei nawn lo” a ti.

Himi an doawknak ah ralhrang thi le hliamtuar an tam zet ding, an cazin cu theih a si hrih lo. Mipi kilhimtu lamah hliamtuar le mithi an um lo ih hlawhtling zetin an kirsal.

Be the first to comment

Leave a Reply

Your email address will not be published.


*