Ralhrang Pawl Do Dingin China Ram Ihsin A Tlung Ih A Nunnak Liam

Tlangval kum 19 mi Salai Lal Tan Pi cu ramsung thuneihnak latu ralhrang pawl do dingin a hnaṭuannak China ram ihsin a tlung ih doawknak tualrawn ah a nunnak a liam. A hlan ahcun Myanmar-China ih thilri bungrua pawl kuattu a si. VAKOK- CNDF ah a lut ih ralhrang pawl a do.

Salai Lal Tan Pi hi daiten aum ṭheu ih a ṭong mal tuk, nikhat sung a ankaa an theih lo caan khal aum. February 7, 2022 ah Kalaymyo ramsung ah ralhrang pawl thawn an doaw. Cutawk ah ralhrang pawlin an kap ngah ih hliamhma nasa zet a tuar.

Ralhrang pawl thawn nasa zetin an kapaw ciamco laiah a rualpi pawlin an run tum nan Salai Lal Tan Pi in, “A cang thei nawn lo, in tang men uh. In runsuak tum asilen nangmah khal hliam nan tuar ding, ralthuam kan thlauawk ruangah in buaipi asilen nan siatsuahaw sawn ding” a ti.

Salai Lal Tan Pi cu hliamhma a tuar lai khalah a rualpi pawl a ruat thupi sawn. Ralhrang pawl thawn an doawk rero lai ruangah a rualpi pawl cu an mitthli an hnul ih ralhrang pawl cu an va kap. Simlam ah an doawknak hi a ziaum deuh, Salai Lal Tan Pi hi arak thi zo ih a taksa cu a hlum lai. Ram le miphun hrangah Salai Lal Tan Pi in a nunnak a pe. CNO/CNDF in suunnak capi an suah ih upatnak an hlan.

Be the first to comment

Leave a Reply

Your email address will not be published.


*