Ralhrang Pawl Ih An Thatmi Thla Cu An Sungkhat Pakhat Ih Taksa Sungah A Lut

Ayeyarwady, Pathein khua ih um pitar kum 60 mi cu December 19, 2021 zan nazi 10:00 hrawngah ralhrang pawlin an kap that. A hmin cu Daw Ma Htay a si ih ralhrang pawlin an makpa an hawl, cutawk ah ralhrang pawlin a ṭongkam a se tuk tin an kap that.

Tualsung mi in, “Ralhrang pawlin Daw Ma Htay tei makpa cu kai dingin an va hawl. Daw Ma Htay in ziang arak ṭong ti cu ka thei lo, ralhrang pawlin a ṭongkam ruangah an kap that thu an rel. An makpa khal an kai ngah zo” a ti. Daw Ma Htay cu ralhrang pawlin a hngawng ah naitakten an kap ih a hmun ah a thi cih.

A ruak cu siizung ah an phur ih an zohdik hnu December 21 sun ah an urkang. An makpa khal ralhrang pawlin an kai ih thusutnak hmunpi ah an hruai. Buddhist zumnak ah mi pakhat in siatnak tongin a thi thutthi asilen a thla cu midang taksa sungah lut in an innsang thuhla poimawh pawl a relsuak ṭheu an ti.

A ruak an vuiliam hnuah a thla cu an sungkhat pakhat ih taksa sungah a lut ih a riahsiatnak thu pawl a sim ciamco tin Ayeyarwaddy Times thuthang sungah an tarlang. (A video na duh zoh asilen hinah hmet’aw)

Be the first to comment

Leave a Reply

Your email address will not be published.


*