Ralhrang Pawl Ih Kulhmi PDF Cu An Rualpi Pawlin An Va Runsuak

Sagaing Division, Kany Township, Mya Thein Tan Pagoda purang kiangkap ah ralhrang le tualsung PDF pawl an kapaw ciamco.

November 25, 2021 sun nazi 12:00 hrawngah nasa zetin an kapaw ciamco ih, cutawk ah ralhrang pawl hi an tamtuk ih hleiah an hmangmi meithal le ralthuam a thlauawk ruangah PDF 45 cu ralhrang pawlin an kulh thluh.

An tlannak ding lamzin zaten ralhrang pawlin an rak kulh, ralhrang pawl cu hmai an nor ve thei cuang lo. Cutin an hrentangmi PDF 45 cu hmun dangdang ih um PDF pawlin an va run ih ralhrang kulhnak hmun ihsin an suak thei thu Kani-PDF (KLG) in an phuang.

Hmun dangdang ih um PDF pawlin ralhrang pawl cu bomb in an puah hmaisa ih meithal in an kap ciamco, an hrentangmi PDF pawl khalin an rak kap ve ih an tlansuak thei. Himi an doawknak ah ralhrang a malbik 10 hrawng cu an thi ding, mipi kilhimtu lamah pakhat in hliam a tuar nan seherh um tuk cu a si lo an ti.

Ralhrang pawlin catbang loin pukpi le bomb an kap ciamco ruangah phungyi tlawnginn sungih um raltlan 7 in hliam an tuar ih pakhat cu seherh um dinhmun a si.

Be the first to comment

Leave a Reply

Your email address will not be published.


*