Ralhrang Pawl Pukpi Ruangah Tleirawl Kum 14 Mi A Thi, A Pa Cu Ralkap Ṭuan Lai A Si

Tanintharyi, Theachaunggyi ralhrang sakhan cu June 3, 2022 ah tualsung mipi ralkap pawlin an va kap. Ralhrang pawlin an duhduhnak hmun ah pukpi le meithal an kap ciamco. Sone Sin Phya khua lamah bomb an kap ih tualsung mi pahnih an thi.

Mithi cu kum 14 mi Ma Le Le Win le a pate U Thet Htwe an si, innsung ih an relh laiah bomb in a tla puak ih an thi. Ma Le Le Win ih pa cu ralhrang ṭuan lai a si.

Khuami pakhat in, “Manisun ah mipi ralkap pawlin Theachaunggyi ralhrang sakhan an siim, ralhrang pawlin Sone Sin Phya khua lamah bomb le meithal an kap ciamco. Ma Le Le Win cu inn dunglam ah a relh, a pate cu meithal awn a theih veten innsung ah a tlanlut.

An inn cu bomb in a tlak ngah ih a pate U Thet Htwe cu a hmun ah a thi cih. Ma Le Le Win khal a bek ah hliamhma a tuar ih siizung an thlen hnuah a thi, Ma Le Le Win hringtu a pa cu ralhrang kuthnuai ah ralkap a ṭuan lai. Hmun dangah ralkap a ṭuan” a ti.

Be the first to comment

Leave a Reply

Your email address will not be published.


*