Dawei-Ray-Mon State lutnak ih check-point ah ralhrang pawl zu an in khawm ih buainak a suak. Ralkap pakhat in ralbawi Kyaw Thu Win hnenah sumpai in pe mal tuk a tiih ralbawi in arak kawk ruangah ralkap in a kap that.
Dawei-Ray-Mon State check-point cu ralhrang pawl ih umhmun khuarnak hmunpi a si. Motor lutsuak khal an tam zet, ralhrang pawlin diklo zetin sumpai an rak khong ṭheu ih an zem aw, cumi sumpai thuhla ah buainak a suak.
Tualsung mi pakhat in, “July 17 zan nazi 8:00 hrawngah zu an in. Ralkap pakhat in sumpai in zem mal tuk a ti ruangah buainak a suak, ralkap in an pu ralbawi cu a kap ih a hmun ah a thi cih.
July 19 sun ah vuiliam ding a si nan Burmese Martyrs’ Day a si ruangah an siang lo. A ruak cu an khua ah an kuat ih July 20 ah an vuiliam. Himi check-point ah ralhrang tampi an um ruangah an buai lai cu kan zuk thei lo. Ralbawi kap thattu khal an kai lo ih Ma Daung Taung Gate ah an thawn” a ti.
Leave a Reply