Ralhrang Pawlin An Kaihmi (5) Cu An Nunglai In An Urthat, CDM Tuah Tlawng Sayama Cu Nau A Pai Lai

Magway, Yezakyo ramsung ih um mipi ralkap N-YSO sakhan cu ralhrang pawlin an va siim ih mi (5) an kai ngah. An kaihmi pawl cu CDM tuah tlawng Saya Gyi U Win Kyaw, Senior Nurse Daw Zali Naing, CDM tuah tlawng sayama Daw Khin Hnin Wai, Ma The Ei Ei Win le PDF ralkap Wukong pawl an si.

An nunglai rori’n an urthat thluh. CDM tuah tlawng sayama Daw Khin Hnin Wai cu naupai lai a si ih a naupai cu thla 5 a kim.

June 10, 2022 zingpit nazi 3:00 hrawngah an sakhan cu ralhrang pawlin an va siim, ralhrang pawl cu hmun pathum ah an ṭhenaw. Ralhrang motor 2 cu mipi ralkap pawlin bomb in an puah ciamco ih ralbawi pakhat telin ralhrang 13 an thi.

Ralhrang pawlin an kaihmi (5) cu nasa zetin an hrem hnuah an nunglai in an urthat. June 14 sun ah an ruak cu an hmu ih ṭhaten an vuiliam, ralhrang pawlin khuasung mi ṭhenkhat an kai ih lamzin khihhmuhtu ah an hruai vivo.

Be the first to comment

Leave a Reply

Your email address will not be published.


*