Ralhrang Pawlin An Kaihmi CDF Cu A Awkaw That Tin An Phuang

Ralhrang pawlin an kaihmi CDF-Zotung paralṭha Sung Fua cu thawnginn sungah a awkaw that tin an phuang. June 20, 2022 ah ralhrang pawlin Sung Fua cu Rezua khuasung ah an kai ih sakhan ah an hruai.

June 21 zanlam nazi 6:00 hrawngah a thih thu a innsang hnenah an sim thei ih a ruak ra la uh an ti. Ralhrang pawlin an hrem that ih amah le mah a thataw tin an phuang a si ding.

Thudang: Ralbawi Nupi Thawn Kawk’aw Tu Nufa (3) Cu Thubuai Orhter An Si
Shan State, Mankan khua ah ralbawi nupi thawn ṭongkam an elawk ruangah nufa thum cu ralhrang pawlin an kai. February 20, 2022 ah an khuasung khohsuai dawr ah ralbawi nupi le fala kum 24 mi cu ṭongkam an el’aw ciamco. Cumi hnuah ngaithiam an va dil nan ralbawi nupi in a ngaithiam thei lo ih a pasal hnenah a sim thei.

February 24 ah an nufa thum in an kai. An hmin cu Daw Kham Pan (kum 49) le a faphir kum 24 mi Myint May Aung le Myint Myat Aung an si. Mithmutu in, “Ralhrang pawlin innsung ih um zaten ra suak thluh uh’ an ti. An innhmai ah ralkap pawl tam zet an um, hlawhhlang nufa thum tin khuk an bilter. Nan tlansuak tum asilen meithal in kan lo kap that ding tin an hringhro, kedam khal an bun man lo. A fapa cu arak tlansuak man. An hmai ah an beng, an sit. An vuakvel nasa tuk ruangah an ṭap, an ṭah ruangah meithal veikhat an hmetpuak. Innsang nubik khal a pum ah napin an sit” a ti.

Ralhrang pawlin sakhan ah an hruai, an bike pakhat khal an laksak. Tu’ah an nufa thum in mi hringhro thubuai le cozah hnaṭuantu thin natter thubuai pahnih an orhter thluh. June 28 sun ah hremnak an pe ding. An sungkhat in, “Thubuai pahnih an orhter. Lawyer san man cu ting 7 a si, kannih cu lawyer kan ruai thei lo. Sumpai an nei lo, tetti petu ding minung 5 kan ṭul ih zohman an ra suak ngam lo. Ralkap thawn pehtlaihaw mi thubuai a si ruangah zohman in tetti an khan ngam lo” a ti.

Be the first to comment

Leave a Reply

Your email address will not be published.


*