Ralhrang Pawlin An Urkang Ding An Phang Ruangah An Fangfai Cu Ramlak Ah An Thup Ih A Siat

Ralhrang pawlin khua an urkang ṭheu, mipi pawl harsa seh tin an thilri bungrua pawl an urkang sak. Kayah State, Demoso peng sungih um khua 20 hrawng cu mipi in an suahsan thluh.

Ralhrang pawlin an fangfai hi an urkang sak ding an phang ruangah ramlak, tupi sungah an va thup. Ruah a sur nasa tuk ruangah an fangfai thuhmi pawl cu a siat, ṭhenkhat cu ramsa, zinghman pawlin an rak siatsuah ih an beidong tuk.

Tualsung mi pakhat in, “Ralhrang pawlin khua an nuai tikah mipi thilri bungrua pawl an laksak ṭheu. An laksak lo asilen an urkang. Curuangah fangfai pawl cu ramlak ah kan va thup, furcaan ah ruah a sur nasa tuk ruangah fangfai pawl an siat. Ramsa le zinghnam pawlin an rak ei. 100% ah 20% cu an siat” a ti.

An raltlannak hmun ah ei le in ding an nei nawn lo ih harsatnak phunphun an tong, siivai aum lo ruangah damlo ṭhenkhat cu an nunnak a liam.

Be the first to comment

Leave a Reply

Your email address will not be published.


*