Ralhrang Pawlin Bomb An Kam Ih Anmah Ralhrang Pawlin An Pal Pual, (2) An Thi

Shan State, Pinlaung khua kiangah ralhrang pawlin bomb an kam, leihnuai ih phummi bomb an kam. Takkholh dingih feh ralhrang pawlin an pal puak ih a hmun ah ralhrang (2) an thi, hliamtuar khal an um.

Pinpon khua kiangah ralhrang le Pa-O hriamkai PNA pawl cu tangtlang in umhmun an khuar. Kilhim awknak ah an kiangkap ah bomb an kam, ṭhenkhat ralhrang pawl cu khuasung ah an va duty phahphah.

Tuaksung mi pakhat in, “Kan khua kiangah ralhrang pawl umhmun an khuar. May 24 sun ah cangvaihnak an nei ih sakhan ah mi 10 lawng an um, midang ralhrang le PNA pawl cu khuasung lamah an cangvai. Simlam ah takkholh dingin an va feh ih anmai bomb kammi an pal puak ruangah a hmun ah ralhrang (2) an thi” a ti.

An khua kiangkap ah PDF pawl an um lo, an khuasung ah doawknak khal a thleng hrih lo. Tualsung mipi pawlin bomb kamtu cu anmai ralhrang pawl an si an ti. Khuami in, “Khuapawn ah ralhrang le PNA pawl an um ringring. Doawknak um hrih lo mi kan khua khalah bomb kammi aum zo ruangah kan vah sukso tikah kan ralring a ṭul zet” a ti.

Be the first to comment

Leave a Reply

Your email address will not be published.


*