Ralhrang Pawl Bomb Ruangah Hniarlawn Khuami Pakhat Thi

August 10, 2022 zinglam ah Chin State, Hakha khua kiangkap ah kahawknak aum. Ralhrang pawl umhmun khuarnak Vuanci Inn le Khayaing Zung ah an kapaw.

Ralhrang pawlin Hniarlawn khua ah bomb veihnih an kap ih rawlsuang rero lai Pi Chia Hnem (kum 60) cu bomb puak ruangah a thi. An inn ah ralhrang pawl ih bomb a tla puak, ralhrang pawl bomb puak ruangah khuami pakhat khal hliam a tuar.

Khuami ṭhenkhat cu sahimnak hawlin an tlan ih ṭhenkhat cu innsung ah an relh. Khuami pakhat in, “Vuanci Inn lamah an kap aw ih kan khua an kap cu san aum lo tuk. Zinglam nazi 10:30 hrawngah kan khua ah bomb veihnih a tla, coka ih um Pi Chia Hnem cu a hmun ah a thi cih. Mipa pakhat khal a ban ah hliam a tuar” a ti.