Ralhrang Pawlin CDM Tuah Siibawi An Kai

Sagaing ramsung ah CDM tuah siibawi pawl cu ralhrang pawlin an kai ih an hnaṭuannak siikhan khal an kalhsak.

Nandawan vengsung ih um siibawi Dr. Aye Thi Khaing cu ralhrang in ramsung thuneihnak an lak ruangah an kuthnuai ah hna a ṭuan duh nawn lo ih CDM a tuah, amahten siikhan a ong.

Tualsung mi pakhat in, “Dalan ih heknak ruangah an kai. May 6 sun ah an kai ih mizan May 9 ah a siikhan cu an ra kalh. NUG hrangah na cangvai tin an kai” a ti. May 5 khalah CDM tuah siibawi Dr. Zar Phyu Win cu ralhrang pawlin an kai ih a hnaṭuannak siikhan khal an kalhsak.

Siikhan an kalh hnuah vengsung ih um ramkhel hminthang Kyaw Naung Naung inn khal an kalhsak. Ralhrang in ramsung thuneihnak an lak hnuah Sagaing ramsung ah CDM tuah inn (70) hrawng an kalhsak zo.

Be the first to comment

Leave a Reply

Your email address will not be published.


*