Ralhrang Pawlin Chin Mino Pakhat An Kai

June 1, 2022 ah ralhrang pawlin Chin mino pakhat an kai thu ralhrang thuthang sungah an tarlang. Chin State, Hakha check-gate ah Hakha ihsin Yangon feh ding Hakha Man motor cu ralhrang pawlin an check-up.

Cutawk ah Hakha, bazar thar vengsung ih um Salai Ngun Sui Thang (ငွန်အွေးထန်) cu a phone sungih zuk ruangah an kai. Ralhrang pawlin “Bag a pai ih Lai meithal a ken lai zuk aum” an ti.

Thudang: Tlawnginn Sungah A Fale (2) An Um, Va Runsuah A Tum Ih Palik Pawlin An Siang Lo, An Kai. A Talsuak Ih Tlawnginn Phardawl Ihsin A Dawp Lut Hnuah >>>
Hlanlai thufim “Hmunkip ah Pathian aum thei lo ruangah a aiawh ah hringtu nu pawl a ret” an ti. May 24, 2022 zing ah US, Texas khawpi ah thimkhawzing a tlung. Mino kum 18 mi in tlawngta nauhak pawl a kap ciamco ih nauhak 19 le zirhtu 2 an thi. Tualthattu cu palik pawlin a hmun ah an kap that.

Innsang nu Angeli Rose in a fale tlawnginn sungah misual a lut ti thuthang a theih veten tlawnginn lamah a tlan hngal. An inn ihsin tlawnginn cu miles 40 in a hla, himi tlawnginn ah a fale (2) tlawng an kai. Phun (2) le phun (3) an si. Tlawnginn ava thlen tikah cun ralkap le palik pawlin zohman lut an rak siang lo, meithal thawn an kil thepthep.

Tlawnginn sungih lut misual khal an kap that hrih lo, nazi 1:00 lenglo tlawnginn sungah a cangvai. Angeli Rose cu a fale (2) runsuak dingin tlawnginn sungih a lut tum ruangah palik pawlin an kai ih a kut an hrenbet. Palik pawlin an zingzoinak hmunram sungih a lut tum ruangah ramri pahbal tin an kai.

Angeli Rose in, “Palik pawl cu zianghman an tuah lo. Tlawnginn phardawl kiangah an ding ringring men, cangvaihnak zianghman an nei lo” a ti. Angeli Rose in a hmeltheih palik pakhat a hmu ih a kut cu phelhsak dingin a ngen hnuah a hmeltheih palik in a phelhsak. Cutin, a tlan thutthi ih tlawnginn phardawl ihsin tlawnginn sungah a dawp lut. A fale pahnih cu himdamten a runsuak thei.

Angeli Rose in, “Keimah lawng ka si lo, nulepa tam zet khal tlawnginn sungih lut an tum ruangah palik pawlin an kai. Pacang pakhat khal a fanu runsuak dingin ava lut tum ih palik pawlin mitthli tlaknak in an kap, an kaibet” a ti. Vanduai thlak zetin pacang an kaihmi ih fanu cu mithi lakah a telve. Palik pawl an cangvaih lohli lo ruangah tualsung mipi pawlin an dem zet.

Be the first to comment

Leave a Reply

Your email address will not be published.


*