Ralhrang Pawlin Chin Mino Pakhat An That Ih A Ruak Cu Ekinn Khur Ah An Hlon

Chin State, Mindat peng ih um mino pakhat cu May 16, 2022 ah Kyaukhtu khua ah bike tuah dingin ava feh ih lamzin ah ralhrang pawlin an rak kai.

An that hnuah a ruak cu eikinn khur sungah an hlon. Himi sun May 16 ah ralhrang pawl cu motor thawn Mindat ihsin Kyaukhtu lamah an feh ih lamzin ah tualsung mipi ralkap tangtlang in bomb in an puah, ralhrang 40 an thi.

Ralhrang pawlin Mindat mino cu an that ih Mindat-Kyaukhtu karlak ah an hlon. May 24 sun ah CDF-Mindat pawlin mithi ruak cu an hmu ih an lasuak hnuah ṭhaten an phum. A hmai hi a siat zo ih a dunglam ah meithal ih kahnak hliamhma pahnih aum.

Be the first to comment

Leave a Reply

Your email address will not be published.


*