Ralhrang Pawlin Chin Nufa (3) An Hruaihlo, Urkaanmi Ruhro An Hmu Ih Chin Nufa Rual Ih Ruhro A Si Men Thei

February 23, 2022 ah ralhrang pawlin Chin nufa (3) cu an hruaihlo. Kalaymyo, Chaungkhuah khuami an si ih raltlan in ramlak ih an thlam sungah an beu. Ralhrang 70 hrawng cu an thlam ah an va feh ih Nu Len (kum 40) tei nufa thum cu an hruai, a fanu pahnih hi kum 16 le kum 13 mi an si.

Innsang pabik khal a thinhar zet. Tanbu khua kiang ramlak ih thlam sungah meithal awn veithum an theih thu tualsung mipi pawlin an rel, cumi meithal a awn hnuah thlam cu ralhrang pawlin an urkang.

February 24 zinglam nazi 11:00 hrawngah CDF – KKG le CNDF in thlam cu an va zohdik ih minung ruhro an hmu. CDF – KKG in, “Ralhrang pawl ih an kaihmi nufa rual ih ruhro a si men thei. Ralhrang pawlin an kap that hnuah an urkang a si men ding” tin an tarlang. Minung ruhro an sarmi hi Nu Len tei nufa rual ih ruhro tin nenhngetnak ngaingai aum hrih lo.

Be the first to comment

Leave a Reply

Your email address will not be published.


*