Ralhrang Pawlin Chin Pastor Pakhat Cu PDF Tin An Hrem That

Magway Region, Saetottara Township, Thekkedaung khua ih um Asho Chin Baptist Church ih pastor ṭuanlai Salai Ngwe Kyar cu ralhrang pawlin PDF tin an kai ih an hremnak hliamhma ruangah mual a liam.

December 6 sun ah kawhhran thuhla ruangah Saw ramsung ah ava feh ih lamlak ah ralhrang pawlin PDF tin an rak kai. Saetottara sakhan ah an hruai ih nasa zetin an hrem caimco ih thu an sut hnu December 8 ah Magwe General Hospita ah an phur. December 9 sundir hrawngah a hliamhma pawl tuar nawn loin a nunnak a liam.

Salai Ngwe Kyar cu Magway Region, Thekkedaung khua ih piang / thanglian a si ih Asho Chin miphun a si. Bible tlawngkai a si ih an khua ah pastor a ṭuanlai. Rawngbawlnak khalah mipi pawl kaihruaitu pakhat a si.

Be the first to comment

Leave a Reply

Your email address will not be published.


*