Ralhrang Pawlin Chinmi (2) An Kap That

April 27, 2022 zan ah ralhrang pawlin Chin State, Tedim khuasung ah tlangval kum 17 mi Khai Lian Muang an kap that, a ruak khal a innsang pawlin an la ngah hrih lo.

Tualsung mi pakhat in, “Motor mawng a si, khua lamah thilri bungrua ava pe. Ara tlunglam ah lamlak ah motor a siat ih bike thawn a tlung. Zan nazi 8:00 hrawng a si ding, khualutnak hmun ah ralhrang pawlin an check-up.

Ralhrang pawl ih check-up cu a áš­ih ruangah bike thawn a tlanliam ih a dunglam ihsin an kap ciamco. A ruak khal khuitawk hmun ah an ret ti kan thei hrih lo” a ti.

Zan nazi 10:00 hrawngah 269 Tat Kone kiangkap ah nazi hrek hrawng meithal le bomb puak awn tualsung mipi pawlin an thei.

April 27 sun nazi 2:00 hrawngah Kalaymyo, Htauk Kyant khua kiangah ralhrang pawlin kum 39 mi Pu Thang Cin Sum an kap that, Pu Thang Cin Sum cu Tedim, Tonzang peng Khawdam khuami a si.

Be the first to comment

Leave a Reply

Your email address will not be published.


*