Ralhrang Pawlin CNDF Hruaitu Pakhat Umnak Inn An Kalh

Falam, Balai vengih um inn pakhat cu ralhrang pawlin CNDF hruaitu Pa Biak Lian Sang ih inn a si tin May 3, 2022 sun nazi 2:00 hrawngah an va kalhsak. Saya Pa Biak cu ralhrang in ramsung thuneihnak an lak hlanah Boarding school tlawng saya a si.

Saya Pa Biak in, “Ralhrang pawlin hitin nan cangvai asilen, anmah pawl thawn nan pehtlaih asilen hivek nan ton ding ti an pholang duh ruangah a si ding. An mak zet, kei thawn pehtlaih awknak zianghman aum nawn lo. Inn le lo khal ka nei hrih lo, inn luah ih um ka si” tin Mizzima thuthang hnenah a sim thei.

Ralhrang pawlin an kharmi inn cu Saya Pa Biak inn a si lo ih kum 10 lenglo arak umnak inn a si nan pehtlaih awknak anei nawn lo, inn neitu thawn khal pehtlaihnak an nei nawn lo. Inn neitu hrangah a riahsiat um tuk’ a ti.