Ralhrang Pawlin, “Democracy Nan Duh Asilen Ralkap Uknak Hnuai Ah Um Uh” Tin Meithal An Kap Ciamco Ih Nauhak Kum 5 Mi An Kap That

Ralhrang pawlin ‘Democracy nan duh asilen ralkap uknak hnuai ah um uh’ tin meithal an kap ciamco ih nauhak kum 5 mi an kap that thu theih a si, ralkap pawl ih Democracy uknak cu meithal thawn mi kahthat hi a si.

December 6, 2021 zan nazi 8:00 hrawngah Mandalay, Chan Mya Thar Si veng sungah bomb veikhat a puak. An vengsung ah ralhrang pawl an va lut ciamco hngal ih an duhduhnak hmun ah meithal an kap ciamco, kiangkap inn pawl khal an kap hluahhlo.

Cutin an kahnak ah inn sungih rak lek rero lai nunau nauhak kum 5 mi ih lu ah an kap ngah ih a hmun ah a thi cih.

Pyigyidagun Sayadaw in, “Nauhak an kah that laiah uico ralhrang pawlin ‘Democracy nan duh asilen ralkap uknak hnuai ah um uh’ tin an au ciamco” a ti. Chan Mya Thar Si veng sung upa pawl khalin nauhakte a thih thuhla cu an nenhnget ih a hmin le a nui hmin an zingzoi lai.

Be the first to comment

Leave a Reply

Your email address will not be published.


*