Ralhrang Pawlin Fala Kum 17 Mi Le Kum 13 Mi An Sualpi Hnuah An That

Sagaing, Pale Township, Taungywarthit khua ih um fala kum 17 mi le tleirawl kum 13 mi cu ralhrang pawlin an kai ih an sualpi ciamco hnuah an that. An innsang member khal an that, ralhrang pawlin an khuami 5 an that.

July 11, 2022 ah ralhrang pawl cu Taungywarthit khua ah an va lut, khusung mipi pawl cu hmun dangdang ah an tlansuak. Ralhrang pawlin an inn pawl an bauhsak, dawrkhan pawl an bauh ih zu an in ciamco. An ranvulhmi vok le ar khal an thatsak ih an ei.

Tlansuak man lo mi 5 cu an kai. A thaizing July 12 ah ralhrang pawl cu an tlansal, khuasung mipi pawl cu an khua ah an va lut ih mithi ruak 5 an hmu. Ṭuanvo neitu in, “Ralhrang pawl an tlan hnuah khuasung ah an va lut ih mithi ruak 5 an hmu.

Kum 17 mi Ma Moe Ze le a nu khal an that, kum 13 mi le a pa kum 45 mi U Tin Maung khal an that. Cumi hnuah nunau ruak pakhat an sar bet. Ralhrang pawl ih that mi mithi ruak 5 an hmu. An fale pawl an pawngsual tum ih an nulepa in an rak kham ruangah an that si ding” a ti.

July 9, 2022 khalah ralhrang pawlin Magway ramkulh, Paing khua ah innsang nu kum 35 mi an sualpi hnuah an that. Kum 35 mi Ma Hnin Wai in fate 2 anei, an khua ah ralhrang pawl an va lut ruangah an tlansuak. An inn ah vok fate an nei.

A thupten a pasal Ko Naing Win thawn vok rawl pe dingin an va feh ih ralhrang pawlin an rak kai. A pasal cu a tlansuak man. Ma Hnin Wai cu an pawngsual ih a taksa par khalah kuak nawhnak hliamhma le vuakvelhnak hliamhma an hmu. July 11 sun ah Ma Hnin Wai ih ruak cu an la ih ṭhaten an vuiliam.

Be the first to comment

Leave a Reply

Your email address will not be published.


*