Ralhrang Pawlin Falam Peng Sungih Lo Hnaṭuan Lai Mi 5 Cu Ralkham Awknak Ah An Hruai

January 6, 2022 ah ralhrang 100 lenglo cu Falam peng, Weibula ramsung ah an va lut ih tualsung mipi kilhimtu CNDF thawn nasa zetin an kapaw ciamco.

CNDF pawl ih kammi bomb khal an palpuak ih mithi le hliamtuar an tam zet. Ralhrang thi le hliamtuar cazin hi a theihtheih hrih lo, CNDF lamah hliamtuar le thi an um lo.

Ralhrang pawl cu tlanglo lakah an feh vivo ih lo hnaṭuan lai mi 5 cu an kai hnuah ralkham awknak ah an hmang. Pahnih cu an suahsal nan pathum cu an hruai vivo lai.

January 6 khalah ralhrang pawlin Matupi ramsung ah sualnak neilo khuasung mipi pawl cu an kai ih ralkham awknak ah an hmang. January 9 ah ralkham awknak ih an hmanmi 10 cu thicia in hmuh an si.

Be the first to comment

Leave a Reply

Your email address will not be published.


*