Ralhrang Pawlin Haimual Khua Ih An Kaih Mi Unau Hnih An That

August 14, 2022 zanlam nazi 3:30 hrawngah ralhrang pawlin Chin State, New Haimual khua an urkang. Inn 15 hrawng an urkang ih khuasung mi pakhat in hliam a tuar.

Ralhrang pawlin khuasung mi į¹­henkhat an kai nan an suahsal, asinan nunau kum 17 mi Lal Nun Puii le a naupa kum 15 mi Lal Ruat Mawia tei pahnih cu an kai. Khuasung mipi pawl cu sahimnak hawl in Mizoram lamah an tlan.

Lal Nun Puii tei unau cu Haimual le Rihkhawdar karlak hmun pakhat ah an that ih lamzin kap ah an phum. Tualsung mi pakhat in, “August 14 sun nazi 2:00 hrawngah khuasung ah ralhrang pawl an ra lut ih mipi ralkap pawl thawn an kap aw. Ralthuam an thlauawk ruangah mipi ralkap pawl cu dung an sip.

Cumi hnuah tuih an kaihmi unau hnih tei inn lam pan in an feh, dalan ih thuthang simnak ruangah a si ding. Inn ah an unau hnih lawngin an um ih an kai. Kum 18 khal an kim hrih lo. Khuasung khalah meithal in an vuak, an sit ih an hruai” a ti. August 16 zinglam nazi 11:00 hrawngah khuasung mipi pawlin lamzin kap ih an phummi ruak pahnih cu an hmu.

Be the first to comment

Leave a Reply

Your email address will not be published.


*