Ralhrang Pawlin Haimual Khua Ih An Kaihmi Cu A Burpin An Sualpi Hnuah An That

Chin State, Tedim peng, Haimual khuathar ah ralhrang pawlin unau hnih an kai ih a unu cu a burpin an sualpi hnuah an that.

August 14, 2022 sun ah ralhrang pawl cu Haimual khuathar ah an va lut ih inn 10 hrawng an urkang hnuah unau hnih Lal Nun Puii (kum 17) le a naupa kum 15 mi Lal Ruat Mawia cu an kai. An khua kiang lamzin ah an that ih an phum.

August 16 zinglam ah an ruak cu tualsung mipi pawlin an hmu. Tualsung mi pakhat in, “An ruak hrek lawng lei ah an phum. A naupa ih hmai le pum ah hliamhma um in a dup, a kor khal nam in an attlek ih a serh lang in an phum.

An hrem nasa tuk ruangah a bawngbi ah a ek khal aum. A unu cu a lu khatlam ihsin an kap ih khatlam ah a tlang, an rinhlel ruanagh mithiam pawlin an zohdik ih a serh ah sualpi mi a si ti hliamhma in an thei. A hliamhma ihsin a burpin an sualpi a si ding ti zumnak an nei” a ti.

An ruak cu August 16, 2022 zanlam ah Haimual khuathar thlanmual ah an vuiliam. Ralhrang pawl hi Falam hrambun (Hka-Lah-Yah) 268 ihsin Rikhawdar khua ih umhmun khuar pawl an si.

Be the first to comment

Leave a Reply

Your email address will not be published.


*