Ralhrang Pawlin Helicopter In An Kap That

November 27, 2021 sun ah ralhrang pawlin helicopter in Sagaing, Depayin Township, Nyaung Hla khua cu an kap ciamco ih khuasung mi Maung Hein Min Tun (kum 26) cu an kap that. Ralhrang pawlin Nyaung Hla khua cu tlunlam le leihnuai ihsin an nuai ciamco ruangah khuasung inn le lo tampi an siatsuah.

Tualsung mi pakhat in, “Maung Hein Min Tun ih ruak cu a nulepa in an la ih an phum zo. Hitin kan khua an ra nuai ciamco cu a thinheng um tuk, an theihsual ruangah kan khua hi an nuai ciamco. An khua ah doawknak ah aum tin thuhla an theisual, a ngaingai ahcun doawknak zianghman aum lo.

Helicopter ih an kah hlanah leihnuai lam ihsin ralhrang pawlin kan khua hi an kulh thluh, cumi ni ihsin khuasung mipi pawl cu hmun dangdang ah kan tlan. Hitawk lamah doawknak khal aum hrih lo” a ti.

Nyaung Hla khua nuaitu ralhrang 150 hrawng cu November 28 sun ah Segyi khua lamah an kirsal ih lamzin ah PDF le tualsung hriamkai pawl tangtlang in an rak kap ciamco ruangah amal bik ralhrang 25 an si thi ding tin tualsung mipi kilhimtu pawlin an phuang. Himi an doawknak ah mipi kilhimtu pakhat in hliam a tuar nan seherh um dinhmun a si lo.

November 30 ah ralhrang pawlin Magway Division, Gangaw District sungih um raltlan sakhan cu an va nuai ciamco. Cutawk ah raltlan pathum an that ih an urkang, an urkaan mi raltlan pathum cu Yeshin khuami pakhat le Ingyun khuami pahnih an si.

Be the first to comment

Leave a Reply

Your email address will not be published.


*