Ralhrang Pawlin Inn Sangka A Ong Duh Lo Ruangah Tin Thinlung Kim Lo Mipa Cu An Kap That >>>

Yangon, Taikgyi Township, Nga Ein Su khua ih um mipa thinlung kimlo U Htein Lin cu ralhrang pawlin inn sangka a ong duh lo ruangah tin Jenuary 5, 2022 zan ah an kap that.

Jenuary 5 sun ah an khuami, dalan an timi Zin Min Wai cu zo ti theih lo pawlin an kap that. Curuangah ralhrang pawlin an khuasung ah mihawl an nei ih innsang cazin an zohdik vivo. Tualsung mi pakhat in, “Zin Min Wai cu Nga Ein Su khua ih um a si, an kah thatnak hmun cu Shan miphun pawl umnak ahmat 3 vengsung ah a si.

Zin Min Wai an that ruangah ralhrang pawlin khuasung innsang cazin an zohdik vivo ih thinlung kimlo U Htein Lin inn khal an zohdik tum. Asinan U Htein Lin in sangka arak on duh lo ruangah a inn sangka cu an sit siat ih inn sungih um U Htein Lin cu an kap that. U Htein Lin hi nupi nei lo val-U a si ih amahten aum, a ruak khal ralhrang pawlin an la” a ti.

Ralhrang pawlin U Htein Lin cu a inn sungah an kap that, meithal awn an theih ruangah vengsung mi 4 cu ziangthil a thleng tin an va zoh ih ralhrang pawlin an rak kai. U Htein Lin ih ruak le an kaihmi 4 cu khuitawk hmun ah an hruai ti an theithei hrih lo.

Be the first to comment

Leave a Reply

Your email address will not be published.


*