Ralhrang Pawlin Kachin Nupa An That

Kachin State, Putao, Fatmar khua ih um nupa tuakkhat cu ralhrang pawlin an that. Khuami in, “February 15 zan nazi 8:00 hrawngah tualsung mipi kilhimtu KIA le PDF pawlin ralhrang pawl hi an kap, bomb in an puah ruangah khawngaw ngah tam zet an um.

Mithi le hliamtuar umzat cu kan theifiang hrih lo, ralhrang pawlin an ti kelin bomb, pukpi le meithal cu khuasung lamah an kap ciamco ruangah nupa tuakkhat hi an thih phah” a ti. Mithi nupa cu kum 23 mi Achi Kizibar le kum 20 mi Dolly Jadwe an si, an neihawknak cu kumkhat khal a kim hrih lo ih thla 2 hrawng lawng a si.

Ralhrang pawlin bomb, pukpi le meithal an kap ciamco ruangah bike thawn an tlansuak ih cutawk ah an thi. Tualsung mi pakhat in, “Ralhrang pawlin khuasung mipi pawl cu ralkham awknak ah an hmang, an inn sung khalah ralhrang pawl an relh. Inn neitu pawl cu nan tlansuak asilen kan lo kap ding an ti.

Doawknak a thleng ruangah khuasung mipi pawlin an áš­ih tuk ih an tlansuak cu ralhrang pawlin an kap. Bike thawn phuraw nupa khal an kap ih nunau sawn ih thin ah an kap ngah, mipa ih pum ah an kap ngah ih a hmun ah an thi cih. Ralhrang pawlin an ruak hi lak an siang lohli lo ih tuizing lawngah kan va la thei ih kan vuiliam zo” a ti.

Be the first to comment

Leave a Reply

Your email address will not be published.


*