Ralhrang Pawlin Kalaymyo Ah Nu Tem Boih An Kap That

Tuizing February 1, 2022 zinglam nazi 8 le 9 karlak hrawngah ralhrang pawlin Kalaymyo ah sayama Nu Yi Yi Khaing @ Tem Boih ih pum ah an kap ih 11:45 ah a hliamhma tuar loin a thi.

Kum 42 mi Nu Tem Boih cu Taungphila vengih um a si, zinglam ah a nu damlo hnenah ava feh ih siivai a pe cu lamzin ah ralhrang pawlin an rak kap.

Tualsung mi pakhat in, “A tluk pekte ahcun thil ziangkim a thei thluh lai. A phone number le aumnak inn khal a rel thei ih bawmnak a dil, kiangkap ih um pawlin inn lam an phone sak. Asinan a nunnak cu an run man nawn lo, a pum ah an kap ngah ih cerek mu a tlang” a ti.

Siikhan ah an tlanpi ih an tuamhlawm rero laiah a pum ih hliamhma tuar nawn loin a nunnak a liam. Sayama Nu Yi Yi Khaing cu အမှတ် (၄) အ.ထ.က ah sayama ṭuan a si ih fate 5 ih nu a si. Kalaymyo ramsung ah ralhrang kuttuar in mi 100 lenglo an thi zo tin ṭuanvo neitu pawlin an ngankhum. (#RFA Burmese)

Be the first to comment

Leave a Reply

Your email address will not be published.


*