Ralhrang Pawlin Kalaymyo Ih Bazar Kai Tum An Rak Kai

April 1, 2022 ah Tedim ih um mipa pakhat cu Kalaymyo ah thil lei dingin a feh, an inn ih zuar ding thilri bungrua pawl lei dingin a feh ih Khai Kan gate ah ralhrang pawlin an rak kai, a sumpai kenmi ting 30, a bike, a korhlum le a boot kedam pawl an lonsak ih zan nazi 12:00 ah an suahsal.

Hmin tarlang remlo pakhat in, “Zanṭim laiah an suah, ke thawn zanriahnak ding inn a hawl nan zohman in inn sangka an rak on ngam lo. Curuangah lamzin kap ah a riak, a thilri bungrua pawl khal an pesal nawn lo. Hriamkai pawlkom thawn pehtlaih awknak an nei lo” a ti.

Chin State, Mindat-Matupi lamzin kap ih um Ma Kyaing khua kiangah tualsung mi pahnih in bomb kammi an pal ngah ih an nunnak a liam. Ma Kyaing khuami kum 60 mi le mipa pakhat cu caw hawlin an poksuak ih bomb kammi an pal puak.

Mindat-Matupi lamzin ah ralhrang pawlin bomb an kam ruangah tualsung ṭuanvo neitu pawlin himi lamzin hi hman hrih lo dingin March 18 sun ah ralrinnak ca an suah.

Be the first to comment

Leave a Reply

Your email address will not be published.


*