Ralhrang Pawlin Kalaymyo, Natchaung Khua An Urkang

Kalaymyo, Natchaung khua cu tuizing April 11 zinglam ah ralhrang pawlin an urkang, an khuasung ah an va lut ih an urkang.

April 10 zinglam ah Yangyiaung khua ihsin ralhrang pawl motor cu Kalaymyo lamah a feh, lamzin ah tualsung mipi humhimtu pawlin an rak kap, cumi hnuah ralhrang pawlin Natchaung khua an urkang.

Nikum 2021 December thla khalah Natchaung khua kiangkap ah nasa zetin an kapaw ciamco, cumi ṭum khalah ralhrang pawlin Natchaung khua ih inn an urkang zo ih mithi khal an um.

April 10 zinglam ih an kahawknak ah ralhrang 10 an thih thu tualsung mipi humhimtu pawlin an phuang.

Be the first to comment

Leave a Reply

Your email address will not be published.


*