Ralhrang pawlin Kalaymyo peng, Nat Myaung khuami Ko Khaing Lin Thu (kum 34) le kum 60 mi U Htay Win an that. Ko Khaing Lin Thu cu April 12 zinglam ah bike thawn Kalaymyo ah a feh ih Sithar khua kiangah ralhrang pawlin an kap that hnuah an urkang.
Khuami pakhat in, “Pee phur motor pawl an tlanliam lai a hmu ih lamzin a feh theih zo a ti, zinglam ah Kalaymyo ah a feh. Sithar khua ih umhmun khuar ralhrang pawlin an rak kap that hnuah a ruak cu an urkang” a ti.
A bike lukhum le a bawngbi cu a kangral lo ruangah a nupi in amah a si ti a thei, a taksa dang cu a kangral.
Sun ah ralhrang pawlin Nat Myaung khua cu an va siim, cutawk ah tlansuak ve thei lo putar kum 60 mi U Htay Win cu an kai ih hridai thawn an tawnbet. Cumi hnuah nam in an sat that. Mithi ruak pahnih cu khuasung mi pawlin an la ih an vuiliam.
Leave a Reply